Ikipe ya APR FC iherutse gusezerera umutoza Thierry Froger, yisanze mu rugamba rwo kwibikaha umutoza ukomoka muri Portugal uri kwifuzwa na Kaizer Chiefs.
Umunya-Portugal, Alexendre Santos wahaye Petro de Louanda igikombe uyu mwaka, ashobora gutangazwa muri APR FC nubwo Kaizer Chiefs nayo irimo kumuganiroza.
Alexendre Santos ubwo yatangarije Ibinyamakuru byo muri Angola ko yaganirujwe n’abayobozi ba Kaizer Chiefs, gusa amakuru atugeraho yemeza ko APR FC y’i Kigali nayo yifuza uyu mutoza.
Thierry Froger yasezerewe muri APR FC nyuma yo kuyifasha kwegukana igikombe cya shampiyona ya 2023-2024, idatsinzwe umukino n’umwe.
APR FC ikomeje inkundura yo gushaka umutoza ndetse n’abakinnyi biri ku rwego rw’Africa kuko ariyo izahagararira u Rwanda mu mikino ya CAF Champions League.
