Imodoka y’umudepite mu nteko ishinzwe amategeko yafashwe iri kwinjiza abantu mu gihugu mu buryo butemewe

Mu gihugu cya Tanzania Polisi yatangaje ko yafashe imodoka y’umwe mu badepite bakomeye mu nteko ishinzwe amategeko, iri kwambutsa abantu ibakura mu kindi gihugu ibazana muri Tanzania, ibizwi nko gucora.

Bamwe muri abo bimukira baturuka muri Ethiopia, ngo bafatiwe imbere ya Hoteli bacumbikiwemo ahitwa i Moshi muri Kilimanjaro, mu gihe abandi barindwi bafatiwe muri iyo modoka y’umudepite yo mu bwoko bwa Toyota Land Cruiser V8, nayo yasanzwe muri iyo Hoteli nk’uko byatangajwe n’Ikinyamakuru Mwananchi.

Polisi ivuga ko yamenye amakuru ko iyo modoka iri gukora ibyo byabaha, ndetse ikimenya amakuru yahise ikurikira iyo modoka, shoferi yaparitse imodoka kuri hoteri ajya kugura ikarita yo guhamagara ahageze asanga abandi bafashwe.

Gusa uwo mushoferi yabashije gucika polisi. Ubwo hakorwaga iperereza byamenyekanye ko iyi modoka ibaruye ku mudepite ukomeye mu nteko ishinzwe amategeko.

Polisi yabaye icumbikiye abo bimukira bose mu gihe hategerejwe gukurikizwa kw’itegeko rihana iki cyaha, no gufata ababiri inyuma bose.