Ku munsi wejo hashije taliki 6 Kamena 2024 nibwo umuvugizi wa RIB yavuze ku kibazo cy’abahanzi bakora indirimbo zo kwandagaza ikiremwa muntu, yavuze ko usanga aba bahanzi bibwira ko batuka umuntu umwe ariko mu byukuru bari gutuka no kwangiza ikiremwa muntu.
Yagize ati “wagirango aba bahanzi hari ibindi baba banyweye mbere yuko bakora ibi, biriya ni ugutuka umubyeyi uwo ariwe wese, ntabwo umuntu muzima yakora ibintu nka biriya adafite ibimushuka”.
Ibyo yabivuze nyuma yuko umuhanzi Zeo Trap yasohoye indirimbo yitwa Sinabyaye , irimo ibitutsi byandagaza kandi biharabika ikiremwa muntu.
Nyuma yo gutangaza aya magambo nibwo uyu umuhanzi Zeo Trap abinyujije ku mbuga nkoranyambaga ze , yatangaje ko yahamagawe na RIB, ndetse muri uwo mwanya indirimbo Sinabyaye yari yashyize ku rubuga rwa Youtube yahise ayisiba.
Amakuru acicikana aravuga ko Zeo Trap yarezwe n’umubyeyi umwe utaravuzwe amazina ku bwumutekano we, akamurega avuga ko uyu musore yakabije kwandagaza ikiremwa muntu.
