Mu butumwa bwanyujijwe ku rukuta rwa X rwa minisitiri w’ingabo mu gihugu cya Congo , Guy Kabombo Muandiamvita yatangaje ko perezida wa Congo Felix Kshisekedi yatanze amabwiriza yo kwambura M23 uduce twose yafashe, ubundi bagatera u Rwanda bakarwomeka kuri Congo.
Mu mashusho yanyujijwe ku rukuta rwa X ry’uyu mu minisitiri, yagaragazaga Perezida wa Congo bari kumwereka ikarita y’igihugu cya Congo, arikumwe n’umugaba mukuru w’ingabo za Congo ndetse n’abandi basirikare bakuru.
Minisitiri w’ingabo yagize ati ” Felix Antoine Tshisekedi yatanze amabwiriza agamije kurwanya iterabwoba ry’ingabo z’u Rwanda kandi ashishikariza abasirikare bacu kwigarurira Kanyabayonga kugeza igihe u Rwanda rwigaruriwe.”
Ibi si ubwambere Perezida wa Congo abitangaje kuko mu mwaka ushize ubwo yiyamamazaga ku mwanya w’umukuru w’igihugu, yatangaje ko nibaramuka bongeye kumutora azahita atera u Rwanda.
Gusa nyuma yo kumara gutorwa ntabwo yigize yongera kubivugaho, ndetse ababimubazagaho yavugaga ko yabaye aretse ngo harebwe ubundi buryo bwo gucyemura ibibazo.
Ni mu gihe leta y’u Rwanda ikunze kwirinda kugira icyo itangaza kuri ibi uyu muperezida avuga.
