Mu Karere ka Nyanza mu murenge wa Busasamana mu kagari ka Rwesero mu mudugudu wa Rukari haravugwa inkuru y’imodoka yo mu bwoko bwa Fuso yapakururaga ibigori, yagonze inzu y’umu Pasitori.
Iyi mpanuka yabaye ku gicamunsi cyo ku wa Kane tariki 13 Kamena 2024 yasenye inzu ya Pasitori Muberandinda Aminadab uri mu kiruhuko cy’izabukuru.
Ubwo iyo modoka y’ikamyo y’uwitwa Samuel yapakururaga ibyo bigori, yacitse feri iruhukira mu nzu ya Pastor Muberandinda.
Amakuru avuga ko yasenye igice kimwe cy’inzu ariko inangiza ibikoresho byo mu nzu bya Pasitori Muberandinda uri mu kigero cy’imyaka 80.
Advertisements
Iyi modoka ntiyahitanye uyu mu Pasiteri wo mu itorero ry’Abadventiste b’umunsi wa karindwi kuko yasohotse muri iyo nzi ari muzima.
