Kuri uyu wa 17 Kamena 2024, Nyakubahwa Perezida wa Repubulika y’u Rwanda, yagiranye ikiganiro na RBA, ndetse ni ikiganiro cyacaga kuri televisiyo nkuru y’igihugu na Youtube channel y’iyi televisiyo.
Iki kiganiro, abaturage hirya no hino bagiye bahabwa umwanya bakabaza ibibazo ndetse bagashima, batibagiwe no kuvuga bimwe mu byifuzo byabo.
Kuri Youtube channel y’iyi televisiyo, abantu bandikaga ibitekerezo byabo ndetse bikanyuzwamo bigasomwa. Umwe mu bafana ba Rayon Sport abinyujije mu izina ry’abafana bose ba Rayon Sport, nawe ntiyatanzwe gusaba gukizwa agahinda bafite nk’abafana ba Rayon Sports.
Uyu mufana yasabye Nyakubahwa Perezida wa Repubulika ko nk’abafana ba Rayon Sport yabafasha akabakiza agahinda baterwa na Perezida wa Rayon Sport uriho, ariwe Uwayezu Jean Fidele.
Umufana yagize ati ” Nyakubahwa Prezida mbanje kubasuhuza mbifuriza intsinzi Le 15/7. Abarayo dufite ikibazo, turakwinginze dukize agahinda duterwa na Jean Fidel. Ibindi uzatubaze amajwi”.
Ubwo uyu mufana mu izina ry’abafana ba Rayon yamaraga kuvuga ibi, ku mbuga nkoranyambaga hacitse ururondogoro hibazwa niba koko abafana ba Rayon Sport bose baba batekereza gutya cyangwa ari bimwe bavuga ngo uba mubi ugatukisha bose.
