Nyuma yuko bamwe mu bafana bakomeje kwinubira ubuyobozi bwa perezida wa Rayon Sport, Uwayezu Jean Fidele, kuri ubu muri Rayon Sports haravugwa ubucyene budasanzwe n’ubushobozi bucye.
Ubu bucyene buravugwa cyane mu gice cy’ubuyobozi bitewe nuko ngo Rayon Sports yabuze amafaranga yo gukodesha inzu nziza yo gukoreramo ibikorwa byayo (office), bagahitamo kujya kwikodeshereza inzu za make make muri Kicukiro.
Bamwe mu bantu bagera kuri office ya Rayon Sports, abenshi bavayo bavuga ko bumiwe bitewe n’inzu Rayon Sports ikoreramo, bamwe bati “parafo ni triprex, inzugi zikaka nkizitazi amavuta” nibindi byinshi banenga ku nyubako Rayon Sports ikoreramo.
Gusa nyamara bavuga ko uretse no kuba hari ikibazo cy’ubucyene, kandi ngo bishobora kuba biterwa n’ubuyobozi bubi, bamwe bati “Ikiyoborwa na Ngabo, wenda yari guha Rayon Sports icyumba kimwe mu mahoteli ye ,akaba aricyo igira office, abandi bati iyo iza kuba ikiyoborwa na Sadate, wenda yari guha Rayon icyumba kimwe mu ma Apartment ye akaba ariho agira Office, ariko kuba iyoborwa na Fidele, yatweretse icyo ashoboye, ni ugukodesha inzu ya make make hano Kicukiro”.
Kuri ubu bamwe mu bafana ba Rayon Sports ntibashyigikiye ko Jean Fidele Uwayezu yongera kuyobora Rayon Sports kugeza naho bamwe mu bafana batangiye gusaba ubufasha inzego zo hejuru ngo babakize agahinda baterwa na Jean Fidele.
Gusa nubwo benshi babirwanya hari ababona ko manda y’imyaka 4 ikurikira yo kuyobora Rayon Sports nayo ubwayo itegereje Jean Fidele.
