Abafana ba Rayon Sports batangiye guha ikaze rutahizamu Leander Willy Essombe Onana muri Murera mu gihe APR FC yo iri gushyira amamiliyoni ku meza ngo yerekeze i Shyorongi

Rutahizamu Leander Willy Essombe Onana wakiniraga ikipe ya Simba SC yo muri Tanzania, aravugwa mu makipe ya APR FC na Rayon Sports z’i Kigali.

Uyu rutahizamu w’umunya Cameroon, yari amaze umwaka umwe muri Simba SC, yagezemo avuye muri Rayon Sports yitwayemo neza cyane.

Onana yatsinze ibitego 16 muri shampiyona y’umwaka wa 2022-2023 n’ibitego 5 mu Gikombe cy’Amahoro ubwo yakiniraga Rayon Sports.

Abinyujije ku rukuta rwe rwa Facebook, Essombe Onana yatangaje ko yasezere ku bafana ba Simba SC yari amazemo umwaka umwe.

Abafana ba Rayon Sports bahise batangira kumuha ikaze muri Murera, gusa amakuru atugeraho avuga ko ikipe ya APR FC yiteguye gukora ibishoboka byose ngo imwegukane azayifashe mu mikino ya CAF Champions League.