Umutoza w’umunya-Brazil Roberto Oliveira Goncalves de Carmo uzwi nka Robertinho wotojeho Rayon Sports akayigeza mu cyiciro cy’amatsinda ya CAF Confederation cup, ari mu bahabwa amahirwe yo kugaruka gutoza iyi kipe yambara Ubururu n’umweru.
Robertinho w’imyaka 64 y’amavuko, uretse ikipe ya Rayon Sports, yatoje amakipe atandukanye yo muri Afurika, u Burayi na Azia.
Uyu mutoza ubwo yari umukinnyi mu myaka ya 1980 yanahamagawe mu ikipe y’igihugu ya Brazil ku mukino bahuragamo n’ikipe ya Paraguay.
Robertihno arahabwa amahirwe yo kugaruka bwa 3 muri Rayon kuko Igikombe cya Shampiyona iheruka gutwara muri Season ya 2018-19 niwe wagitwaye anatsinze Mucyeba APR FC 1-0.
Mu bandi batoza bavugwa muri Rayon Sports, harimo umunya-Serbia Zlatko Krmpotić, Umunya-Espagne Albert Samson, Umunya-Nigeria Paul Ouffor ndetse n’Abarundi Jimmy Ndayizeye na Olivier Niyungeko.
