Umukandida wigenga ku mwanya wa Perezida wa Repubulika y’u Rwanda, Mpayimana Philippe, yatangaje ko naramuka atowe akaba perezida w’u Rwanda azahita avugurura inyubako ya Kigali Convention Centre.
Ibi yabitangaje kuri uyu wa Mbere tariki 24 ubwo yiyamamarizaga mu Karere ka Nyagatare ku mwanya wo kuyobora u Rwanda mu myaka 5 iri imbere.
Ubwo yari ari kuvuga imigambi afitiye abanyarwanda, Philippe yatangaje ko azashyira imbaraga mu guteza imbere ubukerarugendo butamenyerewe mu cyaro.
Mu bindi bintu bikorwa yakora, ikigera ku ntebe isumba izindi ni ukuvugurura inyubako ya Kigali Convention Centre ku buryo amahanga yazajya aza kuyireba uko bwije n’uko bukeye.
Uyu mukandida kandi yemeza ko azakora ibikorwa biteza imbere Isoko ya Nile, iri mu Rwanda.
Mu bijyanye n’ububanyi n’amahanga, Mpayimana Philippe yabwiye abaturage b’i Nyagatare ko azashyiraho itorero rikomeye ry’Abanyarwanda baba mu mahanga.
Yasoje asaba abaturage baho kuzamutora kugira ngo ibitekerezo afite byo kubaka Igihugu azabone uko abishyira mu bikorwa.
