Ikipe ya APR FC yamaze gusinyisha umukinyi ukomoka muri Ghana witwa Richmond Lamptey wigeze kuvugwaho kugurisha imikino, ibizwi nka Match Fixing.
Richmond Lamptey w’imyaka 27 y’amavuko, asazwe akina mu kibuga hagati afasha ba rutahizamu gusatira mu ikipe ya Asante Kotoko S.C y’iwabo muri Ghana.
Mu mwaka w’imikino wa 2020-2021, uyu musore yakinnye imikino 30, atsindamo ibitego 3 atanga imipira 4 yabivuyemo ndetse anatsindira ibihembo by’umukinnyi mwiza w’umikino ku mikino 4 itandukanye.
Uyu mukinnyi mu 2021 yaje guhagarikwa amezi 30 azize ibikorwa byo kugurisha imikino ndetse no kugena uko iri bugende gusa aza kujurira birangira akuweho ibihano yari yafatiwe ndetse anishyurwa amafaranga y’impozamarira.
Nyuma yo guhagarikwa ntibyamubujije guhita yerekeza mu ikipe ya Asante Koko aho yari agikina kugeza ubu. Richmond Lamptey yari amaze kuyikinira imikino 51 akaba yaratsinzemo ibitego 4.
Amakuru atugeraho avuga ko Richmond Lamptey yasinyiye APR FC imyaka 2 nk’uko umunyamakuru mpuzamahanga Micky Jnr yabitangaje, aranavuga ko abandi bakinnyi baturutse muri Ghana tuza kubabona mu Rwanda.
