Myugariro w’ikipe y’ikipe y’igihugu Amavubi, Mutsinzi Ange Jimmy wakiniraga ikipe ya Jerv yo muri Norway yamaze gutandukana nayo yerekeza mu ikipe ya Zira FK yo muri Azerbaijan.
Kuri uyu wa Mbere tariki ya 1 Nyakanga 2024 nibwo amakuru yabaye Kimomo ko Mutsinzi Ange yerekeje muri Azerbaijan agiye gukinira Zira FK.
Mutsinzi Ange ukina nka myugariro wo hagati yasinye amasezerano y’imyaka itatu muri iyi kipe izakina imikino ya Europe League.
Ibinyujije ku mbuga nkoranyambaga Zira FK yo muri Azerbaijan yahaye ikaze uyu myugariro w’unyarwanda wakiniraga Jerv yo muri Norway.
Biteganyijwe ko iyi kipe ya Zira FK, Mutsinzi Ange yerekejemo izatangira imikino ya Europa League ikina na Sheriff tariki ya 11 umukino ubanza na 18 uwo kwishyura Nyakanga 2024 mu mikino y’ijonjora ry’ibanze.
