Inzu ya Makuza Peace Plaza iherereye hagati mu mujyi wa Kigali yafashwe n’inkongi y’umuriro

Mu gitondo cyo kuri uyu wa Gatatu tariki 3 Nyakanga 2024 nibwo inyubako ya Makuza Peace Plaza iherereye mu mujyi wa Kigali rwa gati yafashwe n’inkongi y’umuriro.

Umuvugizi wa Polisi y’u Rwanda ACP Rutikanga Boniface yatangarije Kigali Today dukesha iyi nkuru ko iyi nzu ikimara gufatwa n’inkongi, inzego z’umutekano zihutiye gutabara.

Yagize ati “Ishami rishinzwe kuzimya inkongi ryihutiye kuhagera kugira ngo barebe niba nta bantu n’ibintu bari muri iyo nyubako kugira ngo batabarwe hakiri kare”.

Kugeza ubu ntabwo haramenyekana ibyangijwe n’iyi nkongi amakuru arambuye araza gutangazwa bimaze kubarurwa.