Donald Trump uri guhabwa amahirwe yo gutsinda amatora yo kongera kuyobora America, yagiranye ikiganiro na perezida wa Ukraine Zelensky.
Bwana Zelensky yavuze ko baganiye ku ntambwe zigamije “kubungabunga amahoro arambye” anashimira ubufasha bw’ingabo z’Amerika.
Uku kuvugana kuri terefone bije mu gihe hari impungenge z’uko politiki y’ubuyobozi bwa Trump ishobora gukuraho ubufasha America yahaga Ukraine mu ntambara ihanganye mo n’Uburusiya mu gihe Yaba atsinze amatora.
Umukandida ubarizwa mu ishyaka ry’abarepublika yasezeranije inshuro nyinshi guhagarika intambara mu munsi umwe, mu gihe anasanzwe anenga inkunga ingabo z’Amerika zahaye Ukraine.
Mu minsi itambutse, Antony Blinken yavuze ko Ukraine ikwiriye gutangira kwitoza “kwihagararaho” mu buryo bwa gisirikare, mu gihe ibindi bihugu birenga 20 byiyemeje gukomeza gutanga inkunga ya gisirikare ndetse n’amafaranga muri iki gihugu kabone niyo Amerika yaba izahagarika inkunga yayo mu gihe Trump Yaba atorewe kuyobora iki gihugu.
Bwana Blinken yari ku nshuro ya mbere avuga mu buryo butaziguye ko bishoboka ko Bwana Trump yatsinda amatora yo mu Gushyingo kandi agahagarika byo umugambi wa Amerika muri Ukraine.
