Ni amashusho yakwirakwiriye ku mbuga nkoranyambaga ubwo Bruce Melodie yari agiye kujya ku rubyiniro mu gitaramo yari yatumiwemo we na Dj Marounald mu gihugu cy’u Bubiligi tariki ya 6 Nyakanga 2024.
Aya mashusho agaragaza Bruce Melodie ubwo yari agiye kujya ku rubyiniro, umunyamakuru akagerageza kumuvugisha ariko Bruce Melodie akamutera utwatsi ntamuhe umwanya ngo baganire.
Ni ibintu bitakiriwe neza n’abantu ku mbuga nkoranyambaga, aho batangiye kumushinja kugira agasuzuguro no gusebya u Rwanda, ni mu gihe abandi bavugaga ko yanze kuvuga kuko yari abajijwe mu rurimi rw’igifaransa kandi bivugwa ko ntacyo azi, bakavuga atari yumvise ibyo abajijwe ndetse atari no kubasha gusubiza muri urwo rurimi.
Icyakora nubwo Bruce Melodie yemera ko ururimi rw’igifaransa rumugora cyane, ariko mu by’ukuri ntabwo ariyo mpamvu yatumye batavugana kuko yashoboraga kuba yamusubiza mu rurimi rumworoheye.
Mu kiganiro Bruce Melodie yagiranye na The Choice Live, yavuze ko yanze kuvugisha umunyamakuru kuko yaje mu gihe kidakwiye.
Bruce yavuze ko ubwo uyu munyamakuru yamwegeraga, yaje asaga ari kwitegura kujya ku rubyiniro kuko yari ahamagawe ngo azamuke vuba, mu mutwe ibintu byamubanye byinshi, abona atari cyo gihe cyo kuvugana n’itangazamakuru.
Icyakora Bruce Melodie avuga ko iyo umunyamakuru aza much gihe kiza, agasanga atuje atajagaraye bari kuganira nta kibazo.
Bruce avuga ko biriya byose ubundi byatewe n’uko atari yigeze yitwaza umurinzi we, kuko iyo aza kuhaba ntabwo itangazamakuru ryari kumugota kuriya.
CLICK HERE TO JOIN UMUBANOTV.COM WHATSAPP BUSINESS GROUP
Izindi nkuru wasoma:
1. Amasezerano hagati ya FPR-Inkotanyi n’ishyaka riri ku butegetsi muri Santrafurika
2. Irinde gukora ibi bikurikira niba uri mu Rukundo rushya
3. Niba waryaga umunyu mwinshi bihagarike utarahura n’ibi bibazo
