Ni igitaramo ngaruka mwaka cy’amashimwe cyiswe Thanks Giving kizabera mu mujyi wa Kigali Kibagabaga munsi y’urwibutso ku muryango uri ibumoso ni nimero ya 03. Umuyobozi wa Elayono Worship itegura iki gitaramo bwana Kephar Mucyo Daniel, avuga ko iki gitaramo kibafasha kwegerana n’Imana ko kubwizo mpamvu abantu Bose baba bakwiye gushima Imana. Ati ” Gushima Imana ni ingenzi mu buzima, ibi mwabimenya mugiye kwa muganga mukabaza igiciro cy’umwuka ku isaha ubundi ugakuba iminsi 365 igize umwaka, nibwo wabona agaciro kibyo Imana iba yakoze”.
Yakomeje ashishikariza abantu kuzitabira iki gitaramo kuko abenshi bazaruhuka imitima hashingiwe ku bavugabutumwa b’ijambo ry’Imana ndetse n’abaririmbyi bazaba bahari doreko umuvugabutumwa Ari Prophet Erneste NYIRINDEKWE Naho Gaby KAMANZI, David KEGA, GISUBIZO Ministries ndetse na Elayono worship bakazagabura ijambo ry’Imana binyuze mu ndirimbo.
Elayono worship Yatangiye umurimo w’Ivugabutumwa mu ndirimbo mu mwaka wa 2022. Dore uko umuyobozi wa Elayono worship abivuga.
“Nkuko mubizi akenshi usanga buri torero rigira itsinda riramya rikanahimbaza Imana! Natwe nuko twatangiye, umukozi wImana Pastor Goel Mayuru ukorera umurimo w’Imana mu itorero rishumbwe na Rev.Prophet Erneste Nyirindekwe yegeranyije abanyempano baririmbira Imana mukuri no mumwuka mu itorero batangira I tsinda ryo kuramya no guhimbaza Imana rihita ryitwa Elayono Worship naniyisaha twaragutse kdi turakomeje”.
Muri uyu mugoroba wiswe “THANKSGIVING IN WORSHIP & Praise, Ni umugoroba wateguwe uzajya uba Buri mpera zumwaka
Intego ndetse ikaba Ari umwihariko, nuko habaho kwicara abantu bagasubiza amaso inyuma barikumwe n’imiryango yabo n’inshuti, bagashima Imana binyuze mukuyiramya no kuyihambaza kuko arinacyo twaremewe.
Umuyobozi wa Elayono worship asoza yagize ati ” mpora nsaba Imana ngo natwe izadukoreshe ibyubutwari dufashe abantu gushima Imana uko bikwiriye Ari Nako namwe twabasaba mwese mukazaza tugafatanya gushima Imana kuko ikwiye amashimwe”.
Muri iki gitaramo Elayono worship izanafatiramo amashusho n’amajwi azakorwa mu buryo bugezweho (live recording). Iki gitaramo kizaba kucyumweru taliki ya 24 Ugushyingo 2024, guhera saa cyenda z’amanywa maze gisozwe saa tatu zijoro. Kwinjira bizaba Ari Ubuntu kuko Yesu Yarishyuye, Icyakoze ukaza wambaye amabara akurikira: Umweru, Shokora cg Umukara.
