APR FC yaciye amarenga ko ishobora kuba yibitseho umutoza Thierry Hitimana wamenyekanye atoza abana bagize irirero rya Bayern Munich mu Rwanda.
Thierry Hitimana utoza ikipe y’Ingabo zirinda abayobozi bakuru b’Igihugu (RG) ndetse akaba asanzwe ari Umutoza muri Bayern Academy yo mu Rwanda.
Uyu mutoza yagaragaye mu myitozo ya APR FC yo ku wa Gatatu aho bivugwa ko ari we uzaba Umutoza Wungirije muri iyi kipe ifite Igikombe cya Shampiyona.
Hitimana wakiniye Rayon Sports akanayibera umutoza, yabaye Umutoza Wungirije muri Simba SC yo muri Tanzania aho yanahuriye na nyakwigendera Dr Adel Zrane wahoze muri APR FC mu gihe yanaciye mu makipe ya KMC na Namungo nayo yo muri iki gihugu.
Hitimana Thierry aje muri Nyamukandagiramukibuga nk’umusimbura w’umunya-Serbia Darko Nović ushobora kuba umutoza mukuru.
