Kuri uyu wa Kane tariki 30 Gicurasi 2024, nibwo Shima Diane Rwigara yashyikirije Komisiyo y’Igihugu y’Amatora NEC kandidatire ye nk’umukandida wigenga mu matora y’Umukuru w’Igihugu ateganyijwe muri Nyakanga uyu mwaka.
Diane Rwigara yabaye umukandida wa karindwi utanze kandidatire kuri uyu mwanya w’umukuru w’igihugu.
Mu kiganiro yahaye itangazamakuru, Diane Rwigara yavuze ko kubona imikono y’abantu bamuzi uyu mwaka atigeze agira imbogamizi nk’uko byagenze muri 2017.
Mu byangombwa yatanze habuzemo icyangombwa kigaragaza ko nta bundi bwenegihugu afite ndetse n’icya muganga wemewe na Leta.
Advertisements
Komisiyo y’Igihugu y’Amatora NEC yamusabye kubishaka vuba akayibishyikiriza.
