Donald Trump wari umaze imyaka itatu yarahagaritswe gukoresha Facebook na Istagram yongeye gukomorerwa gukoresha izi mbuga nkoranyambaga
Ikigo cya Meta kibarizwamo Facebook n’izindi mbuga nkoranyambaga cyatangaje ko cyakomoreye Donald Trump ku kongera gukoresha izi mbuga mu rwego rwo gushyigikira ubwisanzure mu bya politike bemerera uyu mugabo uri kwiyamamaza ahagaragriye ishyaka ry’Aba-Républicains kuzifashisha nk’uko Joe Biden bahanganye na we azikoresha.
Kugarurwa kuri Faceboom na Instagram byari byatangajwe na Meta muri Mutarama 2023 ariko byaru bitarashyirwa mu bikorwa kugeza ubu.
Ubuyobozi bwa Meta bwavuze ko ibyo ari nko guha amahirwe angana abiyimamariza kuba perezida bose bakabasha kugeza ibitekerezo byabo ku Banyamerika mu buryo bwose bashaka gukoresha.
Trump yahagritswe kuri Facebook mu 2021 kubera kumvikana ashyigikiye abigaragambyaga batemera ibyavuye mu matora ya Perezida yo mu 2020 maze bakigabiza Inteko Ishinga amategeko ya Amerika, Capitol.
Iki kigo kandi gitangaza ko n’ubwo cyemereye Donald Trump kongera gukoresha izi mbuga mu gihe cyose azaba yongeye kunyuranya n’amabwiriza arugenga nta kabuza azongera gufatirwa ibihano kandi mu buryo bwihuse.
Donald Trump akomorewe kugaruka kuri Facebbok na Instagram nyuma y’uko muri iyi minsi ari kwiyamamaza yari ari kunyuza ubutumwa cyane ku rubuga nkoranyambaga rwe yise Truth yafunguye nyuma yo guhagarikwa ku zindi mbuga zinyuranye.
