Umukandida wa Democratic Green Party ku mwanya wa Perezida wa Repubulika, Frank Habineza, yakiranwe akanyamuneza ubwo yageraga kuri Site iri mu Murenge wa Base mu Karere ka Rulindo aho agiye kwiyamamariza.
Kandida-Perezida Frank Habineza yabwiye abaturage ko Green Party ifite politiki yo guteza imbere umuturage no kugabanya inyungu ku nguzanyo zo mu mabanki yose yo mu Rwanda, ntizirenze 12%.
Yavuze ko natorera kuyobora u Rwanda, azafasha abaturage gutunganya umusaruro w’ubuhinzi binyuze mu gushyiraho inganda ziciriritse zizatanga akazi.
Ushinzwe Ibikorwa byo Kwiyamamaza muri Green Party, Ntezimana Jean Claude, yavuze ko iri Shyaka nirigira abadepite benshi mu Nteko Ishinga Amategeko rizatanga umusaruro uruta uwatanzwe n’abadepite babiri ryari rifitemo muri manda ishize.
Umukandida wa DGPR izashyira nkunganire ya leta kuburyo umuturage azabasha ku gura Gaze yo gutekesha izava ku bihumbi 40 ikagura ibihumbi 10 kuko ku geza ubu ibiciro bya gaze bihanitse.
Ishyaka rya DGPR ryavuze ko niritorwa bifuza ko Gaze yagura ibihumbi 10 kandi mu gihe gaze ishyize umuturage agiye kugura indi yajya kuri Station atwaye icupa agahabwa gaze ijyanye n’ubushobozi bw’amafaranga afite.
