Mu minsi yashize nibwo hacicikanye amakuru avuga ko Joackim Ojera yagombaga kugaruka i Kigali gukinira ikipe ya Police Fc , ndetse hari n’amakuru yavugaga ko yageze i Kigali.
Mu kiganiro uyu mukinnyi yagiranye na Kigali Today ducyesha iyi nkuru, yahakanye amakuru avuga ko yageze i Kigali, yagize ati ” Ibyo ntabwo ari byo, ubu ngewe ndi i Cairo”.
Joackim Ojera yavuze ko atari i Kigali ndetse ko atabiteganya vuba kuko afite indi mikino 12 agomba gukinira ikipe ye. Yavuze ko iyo mikino 12 nirangira aribwo azamenya igikurikira.
Joackim abajijwe ku byo kuba yaramaze kumvikana n’ikipe ya Police Fc , yavuze ko kuva kera abayobozi ba Police Fc bari inshuti ze ndetse ko bamwifuje kera , ariko yirinze kwemeza niba koko baravuganye.
Kuri ubu uyu mukinnyi akinira ikipe ya Al Mokawloon Al Arab SC yo muri Misiri, yayigiyemo avuye mu Rwanda amaze gufasha ikipe ya Rayon Sport ku buryo bushoboka.
