Teens For Christ (TFC) ni Umuryango utegamiye kuri leta uharanira guhindurira urubyiruko kuba abizera ba kirisito, umaze imyaka 10 ukorera mu Rwanda.
Mu gitaramo bateguye gikomeye kizabera muri Stade ya ULK iri ku gisozi hazaberamo n’ibirori byo kwizihiza isabukuru y’imyaka icumi (10) bamaze bakorera mu Rwanda. Intero muri iki gitaramo izaba igira iti” icyaremwe gishya muri Kiristo”.
Mu mwaka ushize igitaramo nkiki cyabayeho nubundi cyateguwe na TFC cyabereye muri Kigali Camp ndetse cyari cyatumiwemo abahanzi nka Vestine na Dorcas. Muri uyu mwaka iki gitaramo kigiye kubera muri Stade ya ULK iri ku gisozi ku italiki 29 Nzeri 2024 aho umuhanzi watumiwe Ari Israel Mbonyi akaba umuhanzi ukunzwe cyane.
Muri iki gitaramo Kandi hanatumiwe abandi bakozi b’Imana barimo NATE Bramsen uturuka muri America ndetse na Moses Odhiambo uturuka muri Kenya ndetse kikazayoborwa na Karinijabo Issa Noel.
Kwinjira muri iki gitaramo ni Ubuntu Kandi Guhera saa yine za mugitondo kugera Saa Saba imiryango izaba ifunguye.
