Mu karere ka Ruhango mu Murenge Bweramana, haravugwa inkuru y’umunyeshuri wapfuye urupfu rutunguranye.
BTN TV dukesha iyi nkuru, yatangaje ko uyu munyeshuri wiga mu ishuri rya Gitisi TTS yapfuye kuri uyu wa Kabiri tariki 18 Kamena 2024 azize kwimwa uruhushya.
Amakuru avuga ko uyu nyakwigendera witwa Ibereho Hosiana w’imyaka 18, wigaga mu ishami rya Multi media, yari asanzwe afite indwara yo kuva cyane, ariko yasaba uruhushya rwo kujya kwivuza, ubuyobozi bw’ishuri bukarumwima.
Babonye arembye cyane maze bamujyana kwa muganga gusa akigera mu bitaro yahise yitaba Imana kuko yari yaramaze kuremba.
Advertisements
Abanyeshuri biga muri iki kigo, batangaje ko Hosiana yitabye Imana kubera uburangare bw’abayobozi b’ikigo bamwimye uruhushya rwo kwivuza atararemba.
