Rutahizamu wakiniraga ikipe ya Bugesera Fc Ani Alijah yamaze gusinya amasezerano y’imyaka 2 muri imwe mu makipe akomeye hano mu Rwanda.
Uyu Rutahizamu ari mu bakinnyi bitwaye neza cyane mu mwaka wa shampiona 2023-2024, dore ko ari no muri bake basoje bayoboye abandi mu bitego.
Nyuma yo kwitwara neza muri shampiyona, ubwo isoko ry’igura n’igurisha ryafunguraga, uyu nawe yari ahanzwe amaso n’amakipe menshi arimo Apr Fc, Police fc yewe na Rayon Sport.
Kuri ubu rero uyu rutahizamu wakataraboneka yamaze kwegukanwa n’ikipe ya Police Fc, yasinye amasezerano y’imyaka 2, ndetse yatanzweho agera kuri million 40.
Uyu mukinnyi ukomoka mu gihugu cya Nigeria yaje mu Rwanda akinira ikipe ya Bugesera Fc umwaka umwe, nyuma yo kwitwara neza umutoza w’Amavubi aramubenguka, ndetse nawe ubwe yifuza gukinira ikipe y’igihugu y’u Rwanda, yewe ntiyatindiwe no kubona ubwenegihugu ndetse no guhamagarwa mu mwiherero w’Amavubi.
