Rutahizamu wa Police FC, Peter Agblevor yageze mu Rwanda aho aje kwifatanya na bagenzi be, bari kwitegura umukino bafitanye na APR FC ndetse n’imyiteguro y’umwaka w’imikino 2024-25.
Uyu musore ukomoka muri Ghana, yageze mu Rwanda mu gitondo cyo kuri uyu Mbere tariki 1 Nyakanga 2024, habura amasaha 8 ngo Police FC icakirane na APR FC.
Uyu mukino wa Police FC na APR FC uratangira saa kumi n’imwe, ubere muri sitade Amahoro mu rwego rwo kuyifungura. Peter Agblevor ashobora kudakina uyu mukino kuko atakoranye imyitozo na bagenzi be.
Byitezwe ko ikipe iratsinda uyu mukino, irahabwa igikombe. Ni umukino uritabirwa na Nyakubahwa Perezida Paul Kagame.
Peter Agblevor yamenyekanye cyane ubwo yakiniraga Musanze FC, yavuyemo ajya muri iyi Police FC yitegura gusohokera u Rwanda mu mikino ya CAF Confederation cup.
Rutahizamu wa Police FC ,Peter Agblevor yageze mu Rwanda aho aje kwifatanya n'abandi mu myiteguro y'umwaka w'imikino 2024-25. pic.twitter.com/sfyqHiRkZ7
— Rigoga Ruth (@rigogaruth) July 1, 2024
