Umuhanzi Igisupusupu yageze ku rubyiniro induru ziravuga! Abahanzi batandukanye basusurukije abaturage baturutse imihanda yose bajya i Musanze kwamamaza Paul Kagame – AMAFOTO 

Ibikorwa byo kwamamaza abakandida ku mwanya wa Perezida wa Repubulika n’Abadepite byatangiye kuri uyu wa Gatandatu, tariki ya 22 Kamena 2024.

Umuryango FPR Inkotanyi watangiriye ibikorwa byawo mu Ntara y’Amajyaruguru, i Busogo mu Karere ka Musanze.

Winjira mu bice bitandukanye by’iyi Ntara, mu turere twa Rulindo, Gakenke na Musanze, usanganirwa n’ibyapa n’ibirango byamamaza umukandida Kagame Paul ku mwanya w’Umukuru w’Igihugu.

Abaturage benshi bari kwerekeza i Musanze aho uyu mukandida atangirira kwiyamamaza.

Abaturage ibihumbi baturutse mu bice bitandukanye by’igihugu, bahuriye kuri Stade ya Busogo mu Karere ka Musanze aho umukandida Paul Kagame wa FPR Inkotanyi atangirira ibikorwa byo kwiyamamariza umwanya wa Perezida wa Repubulika mu matora ateganyijwe ku wa 15 Nyakanga 2024.

Mu bahanzi basusurukije abaturage, barimo Dr Claude, Bruce Melodie, Nsengiyumva François ‘Igisupusupu’, Riderman, DJ Brianne n’abandi barimo DJ Brianne wavanganga umuziki.