Umunya-Serbia watoje APR FC, yabonye mugenzi we ayihawemo akazi none nawe yahise yisabira gutoza Rayon Sports ngo aze ahangane na mwene wabo

Umutoza w’umunya -Serbia witwa Zlatko Krmpotić, ari mu batoza basaga 7 bamaze gusaba gutoza Rayon Sports nyuma y’igenda rya Julien Mette.

Uyu mugabo w’imyaka 65, yatoje amakipe atandukanye arimo APR FC ya 2019, USM Alger, atoza ikipe y’igihugu ya Serbia U19 ndetse n’andi makipe menshi.

Mu gihe uyu mugabo yatozaga APR FC, abafana ba Rayon Sports baramukundaga cyane, ubu byaba akarusho noneho ari gutoza ikipe yabo.

Yasabye gutoza Rayon Sports mu gihe mwene wabo baturuka hamwe, Darko Nović we yamaze guhabwa akazi ko gutoza ikipe ya APR FC.