Umutoza Julien Mette uherutse gutandukana na Rayon Sports, yatangaje byinshi bitagenda neza muri iyi kipe yambara Ubururu n’umweru.
Mu kiganiro Julien Mette yagiranye na B&B Kigali FM, kuri uyu wa Gatatu tariki 26 Kanama 2024, yagarutse ku mirereho igoye yagiriye muri iyi kipe ubwo yari umutoza wayo.
Yagize ati “Nasoje umwaka w’imikino naniwe kuko namaze ibyumweru nsobanurira abakinnyi impamvu umushahara watinze. Nakoraga akazi ka Perezida n’umunyamabanga bagakwiye kuba bakora.”
Julien Mette kandi yatangaje ko aba bayozi ba Rayon Sports bakorera mu bwoba ndetse kandi nabo bagatera ubwoba abakoresha babo.
Yakomeje agira ati “Ikibazo gikomeye Rayon Sports ifite ni abayobozi. Abayobozi babeshya, abayobozi batera ubwoba kandi bakorera ku bwiba, bafata imyanzuro ihubutse ishingiye ku bwoba.”
