Nyuma y’iminsi mike ikipe ya APR FC itangiye ibiganiro n’umutoza w’umunya Serbia, Darko Nović, biteganijwe ko aragera i Kigali ku mugoroba wo kuri uyu wa Kabiri tariki 18 Kamena 2024.
Ni amakuru dukesha umunyamakuru Sam Karenzi wa Fine FM, watangaje ko Darko Nović araza yizaniye abatoza bandi batatu azajya akorana nabo.
Muri aba batoza barazana na Darko, harimo umwungiriza we, umutoza uzajya wongera ingufu bakinnyi (Fitness Coach) ndetse na Video analyst.
Uyu Fitness Coach reka tumugarukeho?
Yitwa Mehdi Marmouche, akomoka muri Tunisia, akaba asanzwe ari fitness Coach wa Us Monastir yasezereye APR FC ku bwa Adil Erradi Mohamed ikaba yaratozwaga n’uyu Darko Nović we ariko wahise ayivamo.
Mehdi Marmouche akaba yarahuye na Cristiano Ronaldo ubwo ikipe ye yahuraga na Al Nassr mu mikino y’amakipe yo mu Barabu.
