Nancy Pelosi wahoze ayoboye Inteko Ishinga Amategeko ya Amerika, yabwiye Perezida Joe Biden ko adashobora gutsinda Donald Trump bahanganye mu matora ya Perezida
CNN yatangaje ko Pelosi yabwiye Biden ko gukomeza gutsimbarara yanga kurekura ngo ishyaka ry’aba-démocrates ritange undi mukandida, bishobora no kubabuza amahirwe yo kubona imyanya myinshi mu Nteko Ishinga Amategeko mu Ugushyingo uyu mwaka.
Biden ngo yasubije Pelosi ko hari ibindi bimenyetso bigaragaza ko azatsinda.
Nubwo bitatangajwe igihe Biden na Pelosi baganiriye, ni ku nshuro ya kabiri bari baganiriye mu gihe cy’ibyumweru bitatu uhereye tariki 27 Kamena ubwo Biden yitwaraga nabi mu kiganiro yahuriyemo na Trump.
Biden amaze iminsi ku gitutu cya bagenzi be bahuriye mu ishyaka, bamusaba kwegura ishyaka rigashaka undi muntu urihagararira ufite amahirwe yo gutsinda Trump.
Biden ashinjwa ko ashaje cyane ku buryo adafite imbaraga z’umubiri n’ibitekerezo byo kuyobora Amerika.
