Yashyinguwe ku munsu w’ubukwe bwe! Byari amarira n’agahinda mu muhamgo wo gushyingura umunyamakuru wa Radio Tv 10 uherutse kwitaba Imana habura amasaha make ngo akore ubukwe – AMAFOTO

Pascal Habababyeyi, umunyamakuru wakoreraga Radio 10 na TV10 bibarizwa muri Tele10 Group, yashyinguwe nyuma y’uko yitabye Imana. Yashizemo umwuka ku wa Gatandatu tariki 21 Ukuboza 2024, azize urupfu rutunguranye, nyuma yo kujyanwa kwa muganga yari muri koma, aho yabaga ikibazo cy’ubuzima ku mutima n’ibihaha byuzuyemo amaraso.

Ubwo umuryango we, inshuti n’abavandimwe bamusezaragaho, umuhango wo kumushyingura wabaye kuri uyu wa 27 Ukuboza 2024, ukaba wabereye muri Paruwasi ya Regina Pacis i Remera mu Mujyi wa Kigali, aho hatanzwe misa yo kumusengeraho. Uwo muhango wakurikiwe n’ibikorwa byo kumusezera mu rugo iwe ku Mumena, i Nyamirambo.

Mushiki wa nyakwigendera yavuze ko abaganga basanze Habababyeyi afite ikibazo cy’amaraso atagera neza mu mutima n’ibihaha. Nyuma y’ubwo burwayi, basaba abantu babanye na we kumuba hafi. Nyina wamukundaga cyane yavuze ko yari umujyanama we mukuru kandi ko byari bikomeye kubura umwana we.

Habababyeyi yari afite ubukwe bwateganyijwe ku wa 26 Ukuboza 2024, ndetse asize umugore biteguraga kubyarana imfura. Abagize umuryango we n’inshuti zabo batunguwe n’urupfu rwe, ndetse bavuga ko atazibagirana mu mitima yabo.

Habababyeyi yari umunyamakuru uzwi cyane mu kiganiro cyo kuri TV10 gisesengura amakuru atangajwe mu bitangazamakuru. Yanabaye umukozi w’ibitaro bya CHUK. Abanyamakuru bakoranye na we bamufata nk’umuntu wari imfura kandi witanga mu byo akora, atizigamye.